d

Preba 1

La to única obligación.

Somos mayores nel momentu que somos capaces d'ablucar a otru individuu de menor edá. Y facemonos con ello mayores, porque viertese sobro nós una responsabilidá. EDUCAR.

Dende esi momentu somos miembrxs d'una parte de la sociedá que nomase sistema educativu (nun confundir col sistema escolar).

Tenemos la única obligación n'esti mundu de nun h.odelu, de nun llevalu a pior, y nun hai na pior que facer qu'otros comportense de mala manera. Poro ye más qu'imprescindible comportase y actuar lo meyor posible, al menos, delantre lxs más mozxs.

Cruciar col semáforu en collorao, tirar un chicle al suelu, dir en bicicleta ensin cascu, nun poner el cinturon, beber alcohol, fumar... ca ún ye llibre de facer cola so vida lo que quiera, pero recuerden que toxs nosotrxs somos entá muncho pior que los medios de manipulación.

¿Indignaxs? ¡indignau!

#15M #acampadasol #acampadabcn #asturianrevolution #...

Manifestaciones, protestes, concentraciones... como si se tratase de dalgo nuevo, como si esto fuera toa una alternativa a too lo demás.

Indginaxs güei, como si les coses hubiesen dio bien fasta güei, agora que YO tampoco teo emplegu.

Pacifismu exemplal, como si se creyese que too esto ye tan fácile.

En resume, pecase d'inocentismu, en gran medida de primerizos, igual que la moza que tien el primer fiu y creyese que too lo que-y pasa ye nuevo pal resto'l mundu.

Yo a too esto doi un nome, nome d'efectu. L'efectu "güeyu oriental". Más bien como'l ñacimientu d'un neñu d'el Oriente lloñe, ye dicir, ñaz colos güeyos zarraos, y cuando los abre queden-y a mediu camín.

El fenómenu.

Nin una ciudá cabezalera queda ensin la so acampada, el pensamientu escontra'l estau actual ye cuasi unánime. Sabemos y ponemos agora esperances no que pue furrular nun futuru, sabemos qu'hai xente participativo, y sobre too qu'hai ganes, qu'hai munches ganes.

Les plazes tremaes de xente. Y ca vegada más xente dia tres dia. Hey!, güei salen pola televisión, ya somos famosxs, trabayu fechu.

¿Alcuerdeste cuando mercamos daquelles All Star que pusimos de moda?, molaben. Pos pon nel tweet #15M o merca una tienda campaña, ye'l mesmu placer, ver verás.

Hai problemes, ta claro.

Cualesquier tipx activx nel so pueblu, sabe qu'esto nun vien d'agora, qu'hai problemes pa colxs trabayaorxs, que los bancos riense de nós, que los antidisturbios dannos de fosties por tolos llaos... pero tamien sabemos que coles concentraciones pacífiques nun s'algama na, y menos pidiendo l'abstención. Resultau: Victoria de la derecha en cuasi too'l estau.

¿Igües?

Con un par de coyones, salen diciendo toxs murnixs (supongo que falando por si mesmos), diciendo que ya nun confien nel PP ya'l PSOE. Tócate los pies. Esi yel GRAN problema, creéis que sólo hai dos partios, nin siquiera conoceis más siegles que PP, PSOE, IU y WC.

La democracia participativa defendenla munchos partios del estau, simplemente hai qu'organizase, y dexaxe d'eso d'apartidistes nin que mio ma.

Nun hai protesta que nun caltenga una igua bona.

Depués de too esto, nun tengo otra cosa que dicir, qu'esti ye un pasín, piquiñu, pero ye un pasín pa finar con tola carroña que tenemos enriba. Ánimu.

La cuestión ye:

¡Xente!, hai que ponese en movimientu, non en "concentraciones" (estaticismu)

.

PD: Solidariedá pa colxs comunistes asturianxs presxs.

"Nos habéis dado los votos y nosotros os devolveremos poder popular para que gobernéis"

Bildu, pa quien nun la conoza ye esa marca elleutoral que fizo la meyor campaña política pal 22M. Como resultau d'ello, sacaron más de 1.100 conceyales y 123 alcaldíes n'Euskadi, siendo la mayor fuercia más representá na nación.

¿Quién yos diba dicir a lxs xueces, periodistes, y tantos millones de persones del estáu español que creyíen que yeren antidemocráticxs o cenciellamente terroristxs, que la democracía escoyelos agora a ellxs? ¿Cómo vamos a desplicayos que cenciellamente yeren (o son) lo que'l pueblu quier?

Pero hailu que nun espabila. Un secretariu de NNGG de Madrid, tou murniu diz que ye una pena lo de Donostia, que ye una pena porque la ciudá ye perguapa.

Pero too esto va más allá de la llercia que yos tenien el restu de fuercies polítiques a la braera izquierda abertzale, al esconsoñase d'unes idegues antipolíticxs profesionales. Esto llega simplemente al segundu pasu, d'una escalerona que na tien d'envidiar de la de Xixón. Ye momentu de dar la cara, de facer les coses de manera CASERA, y ye qu'esta ye una de les mios palabres favorites, porque conlleva lo nidio, la transparencia de facer les coses, la facilidá y lo cenciello de les mesmes, y como tou fiu de vecín sabe, lo meyor ye lo casero, lo fecho con cariñu, lo que nun tien aliños de mierdes, nin sulfitos...

L'entamu dieronlu ya güei Pello Urizar y Zuriñe Gaintza en Bilbo, cola frase qu'encabeza esti textu y debería grabase na tiesta de más d'ún.

"Dístisnos los votos y nós vamos devolvevos poder popular pa que gobernéis".

D'otra manera, sentí más de lo mesmo, coles mios propies oreyes d'ún d'esos paisanos que te da mieu mirar a los güeyos, d'esos que creyense que tienen la llave del centru del mundu, pero que inesperadamente dio muestres de CASERU, afirmando "Si toxs ficiéreMOS (y destaco l'usu de la 1ª persona) como vosotros (agrupación guiada pola democracia participativa ya'l poder popular), too esto (ayuntamientu) diria munchísimo meyor".

"Sonrimos mirando a la mañana"